× 00كم من صقر وقــت الشدآيد دجاجه 00]

ما كل من يضحك بدنيـاه مسـرور
لو ضحـكته دايـم تحــــرك حـجاجـه



وما كل من يبكي من الناس مقهـور
بعض الدموع رخاص من شان حـاجه


وما كل صادق لو حكا لك من شعور
يا كثر من زيف المشــاعـر خراجـه


وما كل ما يخفا من السـر مستـور
بعض الوجـيه ابين من ارهــف زجاجه


وما كل بيتٍ بابه انصـك مهجـور
كم بيــتٍ اطفا الشـح واهـج سراجـه


وما كل وردٍ تزرعـه ينثـر عطـور
لو ماه صـافي مـا يخالـط هماجـه


وما كل مرهف قلب لو يزرع زهـور
قلب يحــب الورد وهو مثـــل صاجـه


وما كل من يخطي من الناس معذور
البعــض يخطي من علـــوم العـواجـه


وما كل من يسكت على الظيم مجبور
لجــل الغــلا ساكت ويدعـي انفـراجـه


وما كل راسٍ ضيع الفكـر مسحـور
كم راس سحر الحب جاب ارتجـاجـه


وما كل علـه فادهـا طـب دكتـور
كم من علـيلٍ وصـل خلــه علاجـه


وما كل من شاور حكيمٍ خذا الشـور
بعض الــــبشر مـا يقنـع الا مــــزاجـه


وما كل من سمي صقر يشبه صقور
كم من صــقر وقت الشدايـد دجاجـــة




* مما رآآآق لي ..~

مشاء الله كثير حلوة